Здружението на граѓани за родителство „Мајка и дете“ е непрофитно и независно здружение кое стои зад порталот Мајка и дете. Нашиот портал е наменет за промоција на позитивно родителство, како и за информирање на нашата целна група во која спаѓаат новите родители, идните родители, сегашните и идни трудници, и неизбежните баби и дедовци.
Основна цел на порталот  е здравствено описменување и освестување на родителите околу негата, грижата, здравјето и воспитувањето на бебето и детето.
Целта на Здружението е да овозможи:

• Информирање на трудниците за негата, грижата и здравјето во бременоста.
• Развивање на свесноста за мајчинската и родителската улога во општеството.
• Помош на родители при соочување со тешкотии при негата и воспитувањето на децата.
• Насочување кон хармоничен семеен живот.
• Информирање за основните права на родителите и децата како пациенти.
• Информирање за специфични здравствени проблеми кај деца и трудници и стручни совети како да се надминат.
• Создавање и развивање простор за дружење и комуникација на родителите.
• Можност да се вклучите во нашите акции и проекти и да бидете корисен член на нашето општество, помагајќи им на другите.
• Можност со други родители да ги размените своите искуства, мислења и маки.
• Да добиете разни поволности и бенефиции како редовни посетители на порталот.